کۆنسەپت
Pena.ger e.V. ناوەندێکی ڕاوێژکاری دیجیتاڵییە لەسەر ئاستی وڵات بۆ پەنابەران. کارەکانمان بە شێوەیەک داڕێژراون کە بە ئاسانی لە بەر دەست بن و فرە زمانە بن و سەربەخۆ بن لە شوێنەکان، بە گرنگیدانێکی تایبەت بەو پەنابەرانەی کە لە ناوچە گوندنشینەکان دەژین و دەستڕاگەیشتنێکی سنوورداریان بۆ کۆچکردن یان خزمەتگوزارییە کۆمەڵایەتییەکان هەیە.
ئامانجی سەرەکیمان ئەوەیە کە ئامۆژگارییەکان لە ڕێگەی ئۆنلاین و پەیوەندی فرە زمانییەوە بەردەست بکەین لەو شوێنانەی کە بە کەمیان هەیە. ئەم کارە سەربەخۆ لە کات و شوێن، بێ بەرامبەر و بە مەرجی یەکسان ئەنجام دەدرێت.
ئەوەی پێناسەمان دەکات
- دەستڕاگەیشتن بە ئاستێکی نزم: خزمەتگوزاری ڕاوێژکاری دیجیتاڵیمان بەکارهێنانی ئاسانە: هیچ کاتێکی دیاریکراو پێویست نییە و بەبێ جیاوازی شوێن.
- ڕاوێژکاری بە چەند زمان
- فۆڕمی پەیوەندی: پەناوەران دەتوانن ڕاستەوخۆ و بە شێوەیەکی سادە پەیوەندی پێوە بگرن لە ڕێگەی فۆڕمی پەیوەندی، Instagram یان E-Mail –
- وەڵامدانەوەی خێرا: هەوڵدەدەین بە خێرایی و بەپێی پێویستی بەو زمانەی کە ئەو کەسەی داوای ئامۆژگاری دەکات لێی تێدەگات وەڵام بدەینەوە.
بینینی دیجیتاڵی و پەیوەندی بە ژیانی ڕۆژانە
زۆرێک لە پەنابەرەکان لە ژیانی ڕۆژانەیاندا پلاتفۆرمی دیجیتاڵی بەکاردەهێنن. بۆیە بە ئاسانی دەتوانن لە ڕێگەی ئینستاگرام و ئیمەیڵەوە پەیوەندیمان پێوە بگرن.
ئێمە بەردەوام زانیاری لەسەر پرسەکانی یاسای پەنابەری و خزمەتگوزارییە پاڵپشتییەکان و پێشهاتە سیاسییەکانی ئێستا دەدەین.
جگە لەوەش ئێمە چالاکانە بەشدارین لە کاری ڕۆژنامەوانی و پەیوەندییە گشتیەکان بۆ تیشک خستنە سەر ئاستەنگە پێکهاتەییەکان و دەوڵەمەندکردنی مشتومڕە سیاسییەکان بە ڕوانگەی پەنابەران.
نێوەندگیری زمان لە ڕێگەی تۆڕێکی خۆبەخشەوە
لە ڕێگەی چالاکییەکانمان و هەوڵەکانی دروست کردنی تۆڕەوە، توانیومانە کۆمەڵەیەکی سەرتاسەری لە وەرگێڕانی خۆبەخش دروست بکەین. ئەوان یارمەتیی ئەو کەسانە دەکەن کە داوای ئامۆژگاری دەکەن،بۆ نمونە لە ڕێگەی تەلەفۆنەوە، بۆ چاوپێکەوتن لەگەڵ ئیدارەکان
ئێمە گرنگی بەمانەی خوارەوە دەدەین:
- پێشوەخت کردن و ڕوونکردنەوەی پێداویستییەکان
- دانانی تاکەکەسی و ڕێکخستنی چاوپێکەوتن
- هۆشیاری و ڕاهێنانی وەرگێڕانی زمان لەسەر بابەتەکانی وەک پاراستنی داتا، ڕوونکردنەوەی ڕۆڵ و پەیوەندیکردن
لەلایەن پەنابەرانەوە بۆ پەنابەران– دروستکردنی دەرفەت بۆ تیمەکە
یەکێک لە سەرنجە سەرەکییەکانی کارەکانمان لە Pena.ger eV بەشداری چالاکانەی پەنابەرانە، نەک تەنها وەک کەسانێک کە داوای ئامۆژگاری دەکەن، بەڵکو وەک بەشداربووانی چالاکیش.
ئامانجمان دابینکردنی پاراستن، ڕاوێژکاری و ڕێنماییە لە هەمان کاتدا ڕێگاکان بۆ بەشداریکردنی درێژخایەن، بڕوانامەی پیشەیی، و نیشتەجێبوونی دڵنیا لەناو تیمەکەماندا، لە پراکتیکی ڕاوێژکاریمان، و لە سەرانسەری کۆمەڵگادا دروست بکەین.
ئێمە بەشداریکردن وەک کردەوەیەکی خێرخوازی نابینین، بەڵکو وەک بنەمایەکی بنەڕەتی دەبینین: پەنابەران وەک شارەزای ژیانی خۆیان دیار و بیستراو و بەهێزکردنیان هەبێت. ئامانجمان تەنها پشتگیریکردنی پەنابەران نییە، بەڵکو دەرفەتی ڕاستەقینە بۆ بەشداریکردن و ئاسۆی درێژخایەنی مانەوەیان لە ئەڵمانیا، بەگوێرەی یاسای کۆچبەری، لە ڕێگەی پرۆگرامەکانی بڕوانامە کە لە Pena.ger e.V. پێشکەش دەکرێن، بۆیان دابین بکەین.
Pena.ger e.V. ڕاوێژکاری نهێنی، دەستڕاگەیشتن بە ئاسانی و فرە زمانە بۆ ئەو کەسانەی کە ئەزموونی پەنابەری و کۆچبەرییان هەیە بەبێ گرینگی دان بە دۆخی نیشتەجێبوونیان، زمان، یان شوێنی نیشتەجێبوونیان دابین دەکات.